Өздеріңді мақтауға ұялмайсың ба: Гүлзира Айдарбекова шүйліккен оқырманына жауап берді

22 қантар 2025, 15:31

Продюсер Гүлзира Айдарбекова әлеуметтік желіде үйінің видеосын салып, оның асытна пікір қалдырып жатқандарға жауап берді.

«Мен қарапайым тұрғанды ұнатамын. Орташа, асқынып, тасқынғым да келмейді, за то ұйқым тыныш, қандай ұры түседі деп елегзімеймін. Қатты жаман да, өте күшті де емес, орташасы дұрыс қой», — деп жазды продюссер.

Сонымен қатар Айдарбекова өздеріңді мақтауға ұялмайсың ба, қаншама адамның қолы жетпей жүр, бұл ұят нәрсе деп пікір қалдырған оқырманына жауап берді.

«Сізге не болды, жап-жас қыздардың еңбегін бағалау керек. Ұялатындай жеті қанатты үй, алтын жіппен тігілген перде көріп тұрсыз ба? Қазір еңбек етпей, алаяқтықпен не болмаса дайын асқа тік қасық салып үйренген жастар көп. Көз майын тамызып, қыздар еңбек етті, ұнатып жатқандар болса тапсырыс беріп, саудалары жүрсін. Еркек басыңызбен әйелдермен өсек айтысып не істеп отырсыз, сіздікі тіптен ұят екен», — деп жауап берді ол.