Орыс атай қазақша бата береді (видео)

Желіде қазақ тілінде бес түрлі бата берген орыс ұлты қариясының видеосы тарады. Кеңқияқ ауылының белсендісі Ардақ Құбашева Instagram парақшасында ерекше видеоны жариялады деп жазады NUR.KZ.

Ұлты орыс болса да Шкапоров Николай Иванович үйіне келген қонақтарына батаның түр-түрін берген. Қазақ тілінде еркін сөйлейтін ақсақал 300-ден астам мақал-мәтелді жатқа білетін болып шықты.

Шалқарда туып өскен қарт ұзақ жылдардан бері Кеңқияқта тұрып келеді.

«Өмірінде орыстармен істес болмаған. Оларды тек әскерге барғанда кездестірген екен. Жалпы, қазақтардың арасында салт-дәстүрін сіңіріп өскен», — дейді Ардақ Құбашева.
Николай Шкапоровтың туған қарындасы Валентина Ивановна да қазақ тілінде еркін сөйлейді. Бүгінде ол Ақтөбеде мұғалім болып қызмет етеді.

 

Посмотреть эту публикацию в Instagram

 

Публикация от Ардак Кубашева (@ardakkubasheva) 1 Мар 2019 в 8:31 PST