Оралда екі полицей ұсталды

06 маусым 2018, 12:00

Оралда екі полицей ұсталды, — деп хабарлайды Tengrinews.kz ІІМ-нің ресми өкілі Алмас Сәдубаевқа сілтеме жасап.

«Оралда ІІД Ішкі қауіпсіздік басқармасының қызметкерлері күдіктіні қылмыстық жауапкершілікке тартамыз деп қорқытып, 240 мың теңгесін алған ІІБ-ның екі лауазымды тұлғасын ұстады», — дейді ІІМ өкілі. ІІМ өкілі бұл істі тергеу ең тәжірибелі тергеушіге тапсырылғанын атап өтті. Сонымен қатар, ол Шымкентте ЖШС-лардың бірінің менеджерінен 15 миллион теңгесін тартып алмақ болғанда көмекке келген жұмысшыны пышақпен жаралаған ер адамның ұсталғаны туралы хабарлады. Сонымен бірге, Алматыда Қарағанды облысы ІІД-нің жедел қызметкерлері биыл сәуірде ақша айырбастау пунктіне қарақшылық шабуыл жасаған қарағандылықты ұстады.