Олжас Бектенов: Баспана кезегінде тұрғын үйге шынымен мұқтаж азаматтар ғана болуы керек

Бүгін Үкімет отырысында Олжас Бектенов баспана кезегінде тұрғандардың қолданыстағы тізімін өзектендіру мәселесіне назар аударды.

Үкімет басгысы: «Мен тізімдерді түгендеп, бір жүйеге келтіруді тапсырған болатынмын. Бірақ бұл жұмыс әлі аяқталған жоқ. Сондықтан оны тездету керек. Баспана кезегінде, шынымен мұқтаж азаматтар ғана болу керек», — деді.

Премьер-Министр құрылыс саласында жаңа нысандар салу және қажетті инфрақұрылыммен қамтамасыз еті бойынша үйлестірілген жұмыстың маңыздылығына тоқталып өтті. «Соңғы жылдары ереже талаптарының бұзылуына және құрылыс нысандарының уақытылы іске қосылмауына қатысты шағымдар саны көбейіп барады. Бұл мәселелерді жүйелі түрде шешу қажет. Жаңа Құрылыс кодексінің жобасында құрылыс сапасына бақылауды күшейту, саланы цифрландыру, сәулеттік қадағалаудың тиімділігін арттыру бойынша шаралар кешені көзделді», — деп атап өтті Олжас Бектенов.

JQ-Aqparat

Сурет: Үкіметтің баспасөз қызметі