Өлім аузынан аман қалдық: Бауыржан Исламхан отбасымен жол апатына ұшырағаны белгілі болды

17 қантар, 11:58

Сурет: instagram.com/erkezhantalgatbekova/

Белгілі футболшы Бауыржан Исламхан отбасымен бірге жол апатына түскен белгілі болды. Оқиға желтоқсан айында Тараз-Шымкент тасжолында болған, деп хабарлайды jasqazaq.kz.

Жол апаты туралы футболшының әйелі Еркежан Талғатбекова әлеуметтік желідегі парақшасында хабарлады.

Бөліссем бе екен, бөліспесем бе екен деп ұзақ ойландым. Бәрі мені қайда жоғалып кетті деп сұрап жатыр. Желтоқсанның 16-сына қараған түні біз отбасымызбен түгел жол апатына ұшырап, бір ғажайыптың арқасында бәріміз аман қалдық. Отбасымызға көз тиді ме, сөз тиді ме білмеймін. Дегенмен, бір өлім аузынан аман қалдық. Мұны да бір сынақ деп қабылдадым, — дейді Еркежан.