Қой тікұшақпен құтқарылды (фото)

Құтқарылған уақ мал 2017 жылдың 19 наурызында 10 сағат 30 минутта Қармақшы ауданы, Абыла е/м (Жосалы кентінен 24 шақырым), Сырдария өзеніндегі су жайылуы салдарынан қыстауды су алып, 449 бас уақ мал қалып қойған, оның ішінде Абыла елді мекеніне қарасты 28 бас уақ мал өліп қалған. 10 сағат 45 минутта Сырдария өзеніне мониторинг жұмыстарын жүргізуге және Абыла елді мекеніндегі малдарды қауіпсіз жерлерге көшіруге МИ-171 тікұшағымен 5 адам экипаж құрамы болып ұшты. Төтенше жағдайлар департаментінің 11 қызметкері 2 бірлік техника, «ОӨАЖҚЖ» ММ 9 қызметкері 5 бірлік техника, «РАЖҚЖ» ММ 15 қызметкері 3 бірлік техника 1 қайық, АІІБ 8 қызметкері 2 бірлік техника, ЖАО 45 адам 10 бірлік техника, Абыла елді мекенінің тұрғындарынан 80 адамның күшімен 402 бас уақ мал Қармақшы ауданы, Абыла елді мекеніне қауіпсіз жерге көшірілді. Уақ малды көшіру жұмысына барлығы: 173 адам 22 бірлік техникасымен атсалысты.  Бұл туралы Қызылорда облысы ТЖД Мемлекеттік тіл және ақпарат тобы хабарлады.