Мұхаммед Әли допингпен ұсталды

08 ақпан 2018, 17:53

Британиялық боксшы Мұхаммед Әли допинг қолданғаны үшін жарыстардан уақытша шеттетілді, деп хабарлайды Вaq.kz ақпарат агенттігі «Би-би-си» басылымына сілтеме жасап.

21 жастағы спортшының ағзасынан стероид тренболон табылды. Бұл зат бұлшықетті өсіру үшін қолданылады. Әли 2017 жылдың сәуірінде Мароккода өткен турнирден кейін допинг-тесттен өте алмай қалған.

Енді ол екі жыл бойы спорттық жарыстарға қатыса алмайды. Боксшы рингке 2019 жылы орала алады.

Жас боксшы Бразилияның Рио-де-Жанейро қаласында өткен Олимпиада ойындарына қатысты. Енді 2020 жылы Токиода өтетін Олимпиадаға да қатысуды жоспарлап отыр.

Бірақ бұған дейін спортшы 2020-ойындардан шеттетілуі мүмкін деген ақпарат тараған.