Мөлдір Әуелбековамен ән айту үшін ақша төлеу керек пе?

Танымал әншілермен ән орындағысы келетіндер қатары бүгінде көп-ақ. Олардың арасында алаяқтарға алданып жатқанда да бар екен. Мөлдір Әуелбековамен баласының бірлесіп ән айтқанын қалаған келіншек тақырға отырды, –  деп хабарлайды «Жұлдыздар әлеміне» сілтеме жасаған NUR.KZ

Мөлдір Әуелбекова өзінің Instagram парақшасында оқырманнан келген хатын жариялап қойған.
«Маған Қазақстан Ұлттық арнасына эфирге әншілермен балалар бірлесіп дуэт айтады деген ұсыныс келді. Алайда қатысу үшін 75 мың теңге төлейсіз деді», – деп бастаған оқырман 75 мың теңгенің төлеп қойып эфирді күтіп жүргенін жазған.

Әнші өзінің бұл іске ешқандай қатысы жоқ екенін айта келіп, арна басшыларының мәселені қадағалауын өтінді.

Айта кетейік, әзірге бұл іске қатысты нақты мәлімет жоқ.