Метроға жармасқан жігіт ұсталды (видео)

Метро вагонының артына жабысып алған экстремал-блогер жауапқа тартылды.

Жас жігіт әлеуметтік желіде танымал болу үшін метроға жабысып, оны камераға түсірген. «Ол өзінің әрекетін өмірі мен денсаулығына және басқа да жол қозғалысына қатысушыларға қауіп төндіретінін білмеді деп ойламаймын. Ч. есімді азамат заңға сәйкес шаралар қабылдау үшін тәртіп сақшылары оны іздейтінін білді. Сондықтан ол жасырынған. Алайда кеше кешке ол ұсталып, ҚР Әкімшілік құқық бұзушылық туралы кодексінің 560-бабы («Темір жол көлігі құралдарын пайдалану ережелерін бұзу») бойынша әкімшілік жауапкершілікке тартылды. Сонымен қатар, Ч. есімді азаматқа қатысты түсіндіру жұмысы жүргізілді», — дейді метрополитендегі полиция басқармасының басшысы Тимур Өсекбаев.

https://youtu.be/HRze9w63J-4

ҚазАқпарат