Месси келсе, қанеки!

Қаржы министрі Ерұлан Жамаубаев қыруар ақша төленетін спортшыларға қатысты пікірін айтты.

«Чемпионаттарды, ірі жарыстарды көріп жүрсіздер. Футболдан өткен чемпионатта Месси бастаған топ жеңіске жетті. Мәселен, Аргентинаның ұлттық құрамасындағы Месси басқа бір бай клубта өнер көрсетіп жатыр. Сондықтан мұндай мықты ойыншылардың келуі ел чемпионатының күшеюіне мүмкіндік береді. Жеңіс тұғырынан көріну үшін өте мәнерлі әрі ұшқыр ойнайтын спортшылар керек. Дегенмен шетелден жаппай спортшыларды сатып алу дұрыс деп санамаймын. Алайда мықты ойыншылардың болуы халықаралық тәжірибе.

Шығынға қатысты тиісті аргумент бар. Біз екі жақты да тыңдауымыз керек қой. Егер «Барыс» клубында жай ойыншылар ойнайтын болса, онда клубтың керегі де жоқ. Арасында көшбасшы хоккейшілер болуы керек. Бірақ көрпеге қарай көсілген дұрыс. Бүкіл ақшамызды спортшыларға жұмсамай, тепе-теңдік табу керек. Біз бюджет есебінен танымал ойыншыларды тартуға қаражат бөлуді тоқтаттық».

JQ-Aqparat