Мереке күйеуіне әзілдеймін деп елден сөз естіді

КТА ойыншысы Мереке әзілдеймін деп жұрттан сөз естіп қалды. Ол өзінен 7 жас кіші күйеуін Балаларды қорғау күнімен құттықтаған.

Stan.kz  хабарлағандай, КТА ойыншысы Мереке Бауыржанқызы Instagram парақшасында күйеуі Арсен Ақиевпен бірге түскен суретін жариялап, оны мерекемен құттықтады.

«Мерекеңмен, бөпе. 1 маусым – Балаларды қорғау күні. Бүлдіршіндеріміз аман болсын», – деп жазды Мереке.  Өз кезегінде желі қолданушыларының дені Мерекенің әзілі орынсыз болғанын айтып, сынап тастады.

«Қалжыңның да реті бар ғой, қойсаңшы болды», «Мереке, халық не айтпайды. Бөпе дей ме, басқа дей ме, мейлі, айта берсін. Сен олай айтпа. Ер азаматым деп, қайта өзіңнен жоғары сана», «Ойнап айтсаң да олай айтпа. Біреу түсінеді, біреу түсінбейді. Бөпе болса не үшін тидің?» – деп жазды желі қолданушылары.