Мақпал Исабекова: Сұрақтардың бәрі күйеуім туралы, мен өзім қызық емеспін бе?

Танымал әнші Мақпал Исабекова жеке өмірі мен күйеуіне қатысты сұрақ қоятын оқырмандарына әлеуметтік желіде ренішін жеткізді.
«Сұрақтардың 80 пайызы күйеуіңнің ұлты қандай, мұсылман ба, жоқ па, күйеуің қайда жүр, неге жаныңда емес, ол кім боп жұмыс істейді, неге күйеуіңізді көрсетпейсіз, ажырасып кеткен жоқсыз ба, сізді тастап кетпеді ме, баланы өзіңіз босандыңыз ба, әлде кесарь ма, ЭКО-мен тудың ба, әлде өзің бе деген тақырыпта. Сонда мен өзім дым қызық емеспін бе?», – деп жазды ол.
Осындай жеке сұрақтарды көргенде әнші ыңғайсызданып қалатынын жасырмады.
“Менің күйеуіме деген осыншама қызығушылық қайдан пайда болған? Оны біліп не істейсіңдер алған ақпаратты? Ана сұрақтарды көріп, өзім ыңғайсызданамын. Тегі жай өмірде өйтіп сұрамайтын шығарсыздар, адамның бетіне былш еткізіп», – деп ренішін білдірді өнер иесі.

JQ-Aqparat