Макгрегор UFC чемпиондық титулынан айырылып қалды

Ирландиялық спортшы Конор Макгрегор Абсолютті жекпе-жек чемпиондығының (UFC) жеңіл салмақтағы чемпион титулынан айырылып қалды, деп хабарлайды Вaq.kz ақпарат агенттігі ТАСС басылымына сілтеме жасап.

«Конор өз титулын ұзақ уақыт бойы қорғамағандықтан одан айрылып қалды», — деп жазды дереккөз.

Кеше Макрегордан босаған титул үшін енді ресейлік Хабиб Нурмагомедов және америкалық Тон Фергюсон таласады. Олардың жекпе-жегі Нью-Йоркте 7 сәуірде өтеді.

15 қаңтар күні ирландиялықтың чемпондық титулынан айрылуы туралы UFC басшысы Дан Уайт алдын ала айтқан болатын. Оның айтуынша, екі жыл бойы ешқандай жекпе-жек өткізбей, титулды ұстап отыру, басқа спортшыларға жасалған қиянат болады.

29 жастағы Макгрегор аралас жекпе-жектен 24 кездесу өткізді. Оның 21-інде (18-і алдын-ала) жеңіске жетіп, үш рет жеңілген. Макгрегор UFC-дағы соңғы жекпе-жегіне 2016 жылдың қараша айында шықты. Ол кезде америкалық Эдди Альваресті екінші раундта техникалық нокаутпен жеңді.