Күзетші 2,5 млн теңге тұратын бұйымды қоқысқа тастапты

Елордада зергерлік дүкеннің күзетшісі 2,5 миллион теңге тұратын білезіктерді байқамай қоқысқа тастап жіберген. Салмағы 5 килограмм болатын күмістен жасалған авторлық әшекей қоқыс жәшігінде болған.Астанада күзетші абайсызда құны 2,5 миллион теңге тұратын әшекей бұйымдарды қоқысқа тастап жіберген.
Stan.kz хабарлағандай, «Біз тауарды Ақтауға жіберуіміз керек еді. Дүкенде екі күн бойы қоқыс салған қорап болды. Менің ағам қораптағы қоқыстарды лақтырып, онда зергерлік әшекейлер салынған пакетті салып қойған. Мен қоқысты контейнерге тастағанымды білмеймін», – деді күзетші Жандос Әмірхановтың сөзін келтіріп Елорда Инфо.
Күзетші қателік кеткенін бір сағат өткеннен кейін ғана білді. Контейнердегі зергерлік бұйымдарды іздеу кезінде қорап бос болды.
«Зергерлік бұйымдар салынған пәкетті біреулер алып кеткен. Біз оларды белгілі бір тұрғылықты жері жоқ адамдар, яғни үйсіздер алып кетуі мүмкін деп ойлаймыз. Маңайдағы барлық бейнебақылау камераларын қарап шықтық. Көп камераның ішінде, біреуі қоқыс айналасын бағытталмаған. Мен бұл бұйымдарды таба алатынымызға сенімдімін. Себебі мұндай әшекейлер тек тапсырыспен ғана жасалады, яғни бұл эксклюзивті бұйымдар», – деді Әмірханов.
Оның айтуынша, келтірілген шығынның мөлшері 2,5 миллион теңгені құрайды. Дүкен басшылығы полицияға арыз жазған. Сондай-ақ, күзетші зергерлік бұйымдарды тапқан адамға сыйақы беріледі дейді.