Күйеуі қарсы болды: Баян Алагөзова екі қызды қалай туғаны туралы айтты

11 қазан, 9:53

Жақында екі қыздың анасы атанған танымал продюсер Баян Алагөзова «Сырласу» бағдарламасында суррогат ана көмегіне жүгінгенін айтты. Продюсердің екі қызы 15 күн айырмашылығымен дүниеге келген.

Ол Тұрсен Алагөзовке тұрмысқа шыққан соң балалы болғысы келгенін айтып, бірақ күйеуі бала көтеруіне қарсы болған.

Ол кезде менің жасым 45-те еді. Тұрсен маған бірден: «Баланы өзің көтергеніңді қаламаймын» деді. Қазір заман дамыған. Басқа да жолдары бар. Осы жаста бұл нәрсені басқа жолмен жасауға болады», – деді Баян Алагөзова.

Продюсердің айтуынша, алғашқы суррогат ананың бала көтеруі сәтсіз болған. Алайда араға жылдар салып, тағы да қайтадан көрген. Осылайша олардың Алма мен Алиса есімді қыздары өмірге келді.