Кім көрінгеннің бала асырап алуына жол берілмейді

Бүгін Сенат отырысында оқу-ағарту вице-министрі Еділ Оспан Конституциялық соттың нормативтік қаулысын іске асыру аясында жетім балалар мен ата-ана қамқорлығынсыз қалған балаларды тәрбиелеуде ерлі-зайыптылардың басымдығын көздейтін бірқатар заңнамалық нормаларды әзірлегенін айтты, деп хабарлайды jasqazaq.kz.

Вице-министрдің айтуынша, бала асырап алғысы келетіндерге қойылатын талаптарды қатайтуға арналған шаралар кешені әзірленген. Онда бала асырап алушы мен асырауға берілетін баланың жас айырмашылығын анықтау, бала асырап алушының соттылығы туралы ақпаратты жыл сайын жаңарту, міндетті психологиялық диагностикадан және аккредиттелген ұйымдар арқылы тиісті оқытудан өту ескерілген.

Еділ Оспан: «Қазір бұл түзетулер мемлекеттік органдармен келісіліп жатыр. Осы рәсімдерден кейін түзетулер пакеті Парламент қарауына енгізілмек», — деді.

JQ-Aqparat