Ким Чен Ын алғаш рет Оңтүстік Кореяның шекарасын аттады (видео)

Солтүстік Корея басшысы Ким Чен Ын мен Оңтүстік Корея президенті Мун Чжэ Ин екі елдің шекарасында қол алысып, көпшіліктің таңданысын тудырды. Бұл туралы NUR.KZ порталы Life.ru сайтына сілтеме жасап хабарлайды.

Пханмунджом шекаралық бекетінде Мун Чжэмен қол алысқан Ким Чен Ын Оңтүстік Кореяның шекарасына қарай бір қадам жасап үлгерді. Ол осылайша Отүстік Кореяда болған алғашқы Солтүстік Корея президенті атанды.

Екі елдің президенттері кездескен сәт тікелей эфирде көрсетілген. Бұған дейін Ким Чен Ын Сеул делегациясына Оңтүстік Кореямен жақындаса түскісі келетінін мәлімдеген болатын.