Киберқылмысқа қарсы іс-қимыл департаменті құрылды

Мемлекет басшысының киберқылмысқа қарсы күресті күшейту жөніндегі тапсырмасын орындау шеңберінде ішкі істер министрлігінде жаңа бейінді департамент құрылды.

Polisia.kz жазғандай, бұл бастама азаматтарды заманауи қауіп – киберқылмыстан қорғауға бағытталған. Департамент киберқылмыстарды анықтаумен және ашумен, олармен күресте стратегиялық қадамдарды әзірлеумен айналысатын болады.
Ішкі істер министрі Ержан Сәденов: «Технологиялардың қарқынды дамуы және интернет-қатерлер санының артуына байланысты мамандандырылған арнайы бөлініс құру қазіргі заманауи қауіпке неғұрлым тиімді жауап беруге мүмкіндік береді», – деп атап өтті.
Жаңа департамент басшысы болып полиция полковнигі Жандос Сүйінбай тағайындалды.

JQ-Aqparat
Сурет: polisia.kz