Қызым ешкімді жақтырмайтын: Майра Ілиясова не ушін тағы тұрмысқа шықпағанын айтты

06 желтоқсан 2024, 15:22

Сурет: instagram.com/mayrailyassova/

Қазақстанның Халық әртісі, әнші Майра Ілиясова журналист Әйгерім Сейфоллаға берген сұқбатында бұрынғы күйеуі туралы айтты.

«Менім күйеуім спортпен көбірек айналысты. Соңғы уақытта менің гастрольдік сапарым көбейіп кетті. Ол «Осы концерті қойсаң қайтеді?! Мына бала қалып қояды» деген кезде мен ойлана келе оған «Мен өнеріммен қалайын» дедім. Мен жай ғана дауысым орташа болса, мүмкін үйде отырар ма едім. Бірақ халыққа танымал болдым. Солай өзіміз ақылдасып шештік. Әрине, ол екі жылдай көнбеді. Бірақ сондай әдемі айырылыстық. Қазір отбасы, ұлы бар. Араласып тұрамыз. Қызым әкесімен керемет қарым-қатынаста, әкесін қатты жақсы көреді», — деді өнер иесі.

Майра Ілиясова сондай-ақ неге тағы да тұрмыс құрмағанын айтты.

«Менікі үнемі концерт, жұмыс. Іш пысатын уақытым жоқ. Қызым ешкімді жақтырмайтын. Қазір «Менікі дұрыс болмапты» деп айтады. Мен қызымның көңіліне қарадым», — деді әнші.