Қызылордада екі автобус жарысып, жолаушыны қағып кетті (видео)

Қызылорда қаласының тұрғындары жантүршігерлік жол апатының куәсі болғанын айтты. Куәгерлердің айтуынша екі қоғамдық көлік жарысып келіп, жолаушыны қағып кеткен. Бұл туралы nur.kz хабарлады.

Қайғылы оқиға кеше, Қызылорда қаласының орталығындағы Әйтеке би көшесінің бойында орын алған. Онда 15 және 21 нөмірлі қоғамдық көліктері бірінен-бірі озбақ болып, қатты жылдамдықпен жүрген. Нәтижесінде жол бойындағы адамды қағып кеткен.

Видеожазбада әйел адамның жерде ес-түссіз жатқанын байқауға болады. Оның жанына үймелеген халық «қоғамдық көлік жүргізушілерін жазалау керек» дегенді айтуда.

Қызылорда қалалық ІІБ жол-көлік оқиғасының болғанын растап отыр. Алайда жәбірленушінің қазіргі жағдайы туралы нақты ақпарат жоқ.

Оқиғаның мән-жайы анықталуда.