Қыздың құны енді «Камримен» өлшенетін болған ба? (Видео)

«Тик-Токта» Гүлжан деген жерлесіміз қазақ қыздарының қалың малын 10 млн теңгеге көтеру деген ойын ортаға салды.
«Қазақтарға қалың малдың бағасын 10 миллионға көтеру керек. Неге дейсіз ғой? Себебі қазіргі кезде қазақ қыздарының құны «Камриден» де түсіп кетті. 1,5-1 млн беріп құтыла салады. Мен оған өте қарсымын. Бұл жерде саудаласып немесе қызды сатып жатқан жоқпын. Бұл жерде қазақ қызының құндылығын, өзіміздің салт-дәстүріміздің құндылығын қайтадан жаңғыртып көтеру керек деп ойлаймын.
Мысалға, түріктерде қыз алу үшін пәленбей келі алтын береді. Бірақ ол жақта ажырасу деген жоқ. Ал біз бүкіл дүниежүзі бойынша ажырасу жағынан шамамен бірінші орынды алып тұр екенбіз. Себебі осындай құнсыздану кесірінен сондай дүниелер болады. Егер де біз бір қызды алу үшін 10 млн беретін болсақ, екі жақтың да бір-біріне деген қарым-қатынасы басқаша, қыз баланың алдында жігіттің деңгейі, абыройы жоғары болады», — дейді ол.
Бір тәуірі, мұндай ұсынысты қолдайтындар аз екен.

@gulzhan1285 Ал сіз қалай ойлайсыз? #tiktok #rek #fyp #viral #рекомендации #длявас ♬ оригинальный звук — gulzhan

JQ-Aqparat