Қылмыстық іс қозғалды: Мақпал Жүнісова Арман Дүйсеновтің ұлын қастықпен өлтіргенін айтты

Бүгін танымал сазгер Арман Дүйсеновтің үлкен ұлы қайтыс болды. Алматы полиция департаменті Абылай Арманұлының өліміне қатысты қылмыстық іс қозғады.

Nur.kz сайты тілшісі аталған жайтқа қатысты Алматы қалалық полиция департаментіне жүгінді.

Аталған дерек бойынша Бостандық аудандық полиция басқармасы қылмыстық іс қозғады. Оқиғаның себебі мен мән-жайы анықталуда», — деді Алматы қалалық ПД баспасөз қызметі.

Мақпал Жүнісова Абылай Арманұлын әлдекімдер қастықпен өлтіргенін хабарлап, көңіл айтты.

«Марқұм Арман Дүйсеновтің тұңғышы Абылай Арманұлын біреулер қастықпен өлтірді деген суық хабар жетті. Иманы саламат болсын, өлтірген адамды тауып, жазасын беру керек. Айсұлу, айналайын, Алла сабыр берсін. Кеше ұшып кетіп едім, туғандарына, анасына, қарындасы мен бауырына қайғырып көңіл айтамын», — деп жазды халық әртісі.

 

Посмотреть эту публикацию в Instagram

 

Публикация от Мақпал Жүнісова (@zhunusova.makpal)

JQ-Aqparat

Сурет: instagram.com/zhunusova.makpal