Қостанайда жазасын өтеуші колониядан қашып кетті

Қостанайлық тәртіп сақшылары түрмеден қашып кеткен 25 жастағы жігітке іздеу салды, деп хабарлайды ҚазАқпарат облыстық қылмыстық атқару жүйесі департаментінің баспасөз қызметіне сілтеме жасап.

6 маусым күні 1993 жылы туған Нариман Қабдысалямов қылмыс колониясынан қашып кеткен. Ол алаяқтық жасағаны үшін қауіпсіздігі орташа түзету мекемесінде жазасын өтеп жатқан. «Аталған факт Қостанай қаласы ІІБ «Оңтүстік» бөлімі полицейлерімен сот алдындағы істердің бірыңғай реестріне тіркелді. ҚР ҚК 427-бабы бойынша сотқа дейінгі тергеп-тексеру шаралары басталды» делінген ведомствоның баспасөз хабарламасында. Ішкі істер органдары қызметкерлері жазасын өтеушінің тұрғылықты мекенжайын анықтау үшін жедел-із кесу шараларын жүргізіп жатыр.