Қолтырауынды 20 жыл бойы үйінде асырап келген

41 жастағы Мұхаммед Айван 1997 жылы Индонезиядағы Батыс Явадан 2 долларға жаңа туған қолтырауынды сатып алған. Балықшылардан алған қолтырауынды Коджек деп атап, үйіне алып келген.

Иесі осы уақытқа дейін жорғалаушыны бассейнде бағып келді. Қазір қолтырауынның салмағы 200 келіге жеткен және 20 жыл бойы сол отбасында өмір сүріп жатқаны BigPicture-де жарияланған, деп жазады Stan.kz.

«Кішкентай Коджекті балықшылардың қолынан көргенде, ойланбастан оны 25 мың рупийге сатып алдым. Алғаш алып келгенімде ол саусағымды тістеп алатын. Қазір оны қолға үйретіп алдық. Коджек жәндік болса да, адамдармен араласқанды жақсы көреді»,-дейді Мұхаммед өзінің сүйікті қолтырауыны туралы.

Коджек үш кішкентай баласы бар отбасында тұрады. Иесінің айтуынша, ол ешкімге зияндық жасамайды.

Адамдар мейірімді Коджекті көруге Индонезияның түкпір-түкпірінен келеді. Тіпті, бір турист оны 74 000 долларға сатып алғысы келген. Алайда, Мұхаммед отбасының сүйіктісін ешкімге бергісі келмеді.

«Мен қолтырауындарды жақсы көремін. Коджекке қатты бауы басып қалдым. Аптасына бір рет суын ауыстырып, жуындырып, тісін тазалап тұрамын. Меніңше, ол мені әкесіндей қабылдайды»,-дейді қолтырауын иесі.