«ҚазАвтоЖолдың» бұрынғы төрағасы бюджет қаражатын жымқырғаны үшін сотталды

Астана қаласының қылмыстық істер жөніндегі ауданаралық соты «ҚазАвтоЖол» ҰК» АҚ-ның бұрынғы төрағасы мен бас мердігерге қатысты үкім шығарды, деп хабарлайды jasqazaq.kz. Бас прокуратураның мәліметінше, олар «Жақсы-Есіл-Бұзылық» автожолын күрделі жөндеуге, соның ішінде Есіл өзені арқылы өтетін көпірді салуға бөлінген 200 млн теңге көлемінде мемлекет қаржысын жымқырған.

Келісімшарттың дұрыс жасалмағаны және берілген аванстың ысырап етілгендігі дәлелденді. Жоба бойынша жұмыс басталмаған.
Сотталғандар 8 жылға бас бостандығынан айырылды. Сот мемлекетке келтірілген залалды өндіріп алды.
Сот үкімі заңды күшіне енген жоқ.

JQ-Aqparat