Қазақстан Ресейге көмір экспортын ұлғайтты

Қазақстан 2017 жылдың қаңтар-қараша айларында шетелге құны 407,8 млн доллар болатын 24,5 млн тонна тас көмір сатты, деп хабарлайды Вaq.kz ақпарат агенттігі LS басылымына сілтеме жасап.

Статистика комитетінің деректеріне сәйкес, 2016 жылдың 11 айындағы көрсеткішпен салыстырғанда көмір экспорты 14%, ал ақшасы жағынан 56% өсті.

Еліміз көмірді, негізінен, Ресейге экспорттады. 18,8 млн тонна көмірді 235, 2 млн теңгеге сатты. Бұл 2016 жылға қарағанда 8,4% көп.

Бұдан басқа, Финляндияға 3,2 млн тонна ($48,4 млн), Қырғызстанға 903,6 мың тонна ($14,7 млн), Швейцарияға 673,4 мың тонна ($43,3 млн) жіберілді.

Сонымен қатар, Украинаға 50,6 млн долларға 369,8 мың тонна, Кипрге 9,6 млн долларға 157 мың тонна экспорталды.

Статистикалық деректерге қарай, 2017 жылы Қазақстанның 13 кәсіпорны 280,8 млрд теңгелік тас көмір мен лигнит (сапасы төмен тас көмір) өндірді. Бұл көрсеткіш – 2016 жылмен салыстырғанда 6% жоғары. Мұнымен қоса, 106,7 млн тонна көмір алынып, өнімділігі 8,3% көтерілді.