Қазақстан мен Ресей Жеңістің 80 жылдығына арналған іс-шаралар жоспарын бекітті

Еліміздің мәдениет және ақпарат министрі Аида Балаева мен Ресейдің мәдениет министрі Ольга Любимова Ұлы Жеңістің 80 жылдығына арналған бірлескен іс-шаралар жоспарына қол қойды.
Жоспарға театр фестивальдері, кино көрсетілімдері, конференциялар, көрмелер мен дөңгелек үстелдер сияқты түрлі мәдени іс-шаралар енгізілді.
Сонымен қатар, келесі жылы Ресейде Қазақстан мәдениет күндері өтеді.
«Жоспарға енгізілген мәдени іс-шаралар соғыс ардагерлері мен тыл еңбекшілерінің ерліктерін еске алуға бағытталған. Бірлескен бастамалар елдер арасындағы мәдени-гуманитарлық байланыстарды одан әрі нығайтуға ықпал етеді деп сенемін», – деді Аида Балаева.

Кездесуде тараптар кинематография және архив ісі салаларындағы ынтымақтастықты жалғастыруға, сондай-ақ музей ісі мен театр өнері бойынша шеберлік сабақтары мен біліктілікті арттыру курстарын өткізуге келісті.
JQ-Aqparat
Сурет: мәдениет және ақпарат министрлігінің баспасөз қызметі