jasqazaq.kz

Қатар-2022: Германия құрамасы плей-оффқа шыға алмады (Видео)

02 желтоқсан 2022, 9:54

Қатарда футболдан өтіп жатқан әлем чемпионатында Е тобында Коста-Рика мен Германия құрамалары плей-офф жолдамасы үшін сынға түсті, деп хабарлайды ҚазАқпарат.

Бұл топта екі турдан кейін Испания (4 ұпай) көш бастаса, Жапония мен Коста-Рикада 3, Германияда 1 ғана ұпай бар еді. Сондықтан бұған дейін төрт дүркін әлем чемпионы атанған германиялықтарға соңғы ойында тек жеңіс қажет-ті.

Матч күткендегідей, неміс футболшыларының шабуылымен басталды. 10-минутта сол қапталдан Давид Раум асырған допты Серж Гнабри баспен торға дәл түсірді – 1:0.

Екінші кезеңде 58-минутта Германия қорғанысы сыр берді. Қақпашы Мануэль Нойер қайтарған допқа Ельцин Техеда бірінші болып жетті – 1:1. 70-минутта айып добы орындалғаннан кейін Хуан Пабло Варгас Коста-Риканы алға шығарды – 2:1. Іле-шала 73-минутта Кай Хаверц таразы басын теңестірді – 2:2. 85-минутта К.Хаверц тағы бір голдың авторы атанды – 3:2. 90-минутта Никлас Фюллькруг есепті 4:2-ге жеткізді.

Осылайша, Германия құрамасы Коста-Риканы жеңгенімен, Испаниямен бірдей 4 ұпай жинап, доп айырмасымен жол беріп, плей-офф кезеңіне шыға алмай қалды. Бұл топта Испанияны тізе бүктірген Жапония бірінші орын алып, 5 желтоқсанда Хорватиямен ойнайды. Ал плей-офқа екінші орынмен шыққан Испания 6 желтоқсан күні Мароккомен кездеседі.

Бүгін, 17:14
Түркістан: Қазығұрттағы әлеуметтік нысандардың құрылысы қадағаланды
08 шiлде, 19:11
Рухани құндылық: Түркістанда домбыраны дәріптеген іс-шаралар өтті
08 шiлде, 17:31
Жыл соңына дейін Бостандық ауданында екі жаңа мектеп ашылып, 10 мектеп пен 5 балабақша жаңартылады
08 шiлде, 14:36
Түркістан: Тоқыма-мата өндірістік базасын салу жөнінде келіссөз жүргізілді
08 шiлде, 14:27
Түркістанда «Ақылды қала» жобасы жүзеге асып жатыр
08 шiлде, 14:14
Түркістан: «Оңтүстік Төртқұдық» уран өңдеу зауыты іске қосылды
08 шiлде, 14:05
Түркістан облысындағы Таскешу ауылында банан өсіреді
08 шiлде, 13:59
Түркістан: Бәйдібекте ынтымақтастық рухын арттыра түскен жастар сайысы өтті
08 шiлде, 13:56
Түркістан: Созақ ауданы экономикасы әртараптандырылады