Қарағандыда балабақшадан өрт шықты

Қарағандыда балабақшалардың бірінде өрт шықты. Мектепке дейінгі мекеменің тәрбиешілері мен әкімшілігі балабақшадан түтін шығып жатқанын байқап, өрт сөндірушілер келгенге дейін 129 баланы эвакуациялады.

Қарағанды облыстық ТЖД мәліметінше, өрт аумағы — 5 шаршы метр. Зардап шеккендер мен қаза болғандар жоқ. «Өрттің жалпы аумағы — 5 шаршы метр. Өртті сөндіруге жеке құрамнан 5 адам мен 25 дана техника жұмылдырылды. Зардап шеккендер мен қаза болғандар жоқ», — деп хабарлады облыстық ТЖД баспасөз қызметіндегілер. Балабақша өкілдері балалардың эвакуацияланғаны жайлы мәліметті растады. «Дарынды бала» балабақшасының жетекшісі Айнагүл Хамитованың айтуынша, өрт балалар отыратын жерде емес, бассейн маңында болған. «Балабақшада бассейн бар. Қасында сауна бар. Біздің тәрбиешілер сауна жақта түтін шыққанын көріп, бірден әрекет ете бастады. Олар нақты ненің өртеніп жатқанын анықтамай, бірден 129 баланы эвакуациялай бастады. Бүгін балабақша жұмыс істеп жатқан жоқ. Жағдайдың мән-жайын анықтап жатырмыз. Өрттің себебін әзірше білмейміз. Анықтайтын боламыз», — деді балабақша жетекшісі Айнагүл Хамитова. Сондай-ақ, оның айтуынша, балабақша 2016 жылдан бері жұмыс істеп жатыр. Өрт қауіпсіздігі бойынша тексерістен соңғы рет сол жылы өткен.

Пожар сейчас, Частный садик дарынды бала, Пострадавших нет. ┏━━━━━━━━━━🔞━━━━━━━━━━┓ 📣Не терпи, расскажи @shock_krg👑 ┗━━━━━━━━━━🔞━━━━━━━━━━┛ ⠀ 📩Если Вы стали участником или очевидцем проишествия, поделитесь информацией, отправляйте в директ. ⠀ 📷Фото и текст от подписчика. 📃Орфография и пунктуация автора сохранены.

Публикация от Караганда (@shock_krg) 18 Май 2018 в 12:56 PDT

tengrinews.kz