Қарағандыда әйелден менингококк инфекциясы табылды

31 мамыр 2018, 18:04

Қарағанды облыстық қоғамдық денсаулық сақтау департаменті бөлімінің басшысы Жақия Жашыбекова 35 жастағы қарағандылық әйелден менингококк инфекциясының табылғанын айтты, деп хабарлады ҚазАқпарат.

«Бір әйелден менингококк инфекциясын табылды. Қазір ол қанағаттанарлық жағдайда ауруханадан шығарылды, бірақ оны медициналық бақылауға алу жалғасады », – деді Қарағанды облыстық қоғамдық денсаулық сақтау департаменті бөлімінің басшысы Жақия Жашыбекова.

Бастапқыда мамандар науқасты іріңді менингитке шалдықты деп ойлаған, бірақ кейін менингококк инфекциясы екенін анықтады. Содан кейін оны тез арада ауруханаға жатқызған. Бақытымызға орай, онымен байланысқа түскен адамдардан бұл диагноз табылмады.

Ведомствода аталып өтілгендей, Қарағанды облысында бұл жағдай биыл алғаш рет тіркелген.

Еске сала кетейік, Қарағанды облысында бірнеше емханада 1 маусымнан бастап ақылы екпе кабинеттері ашылады.