Қарағанды облысында адамды өртеген күдікті ұсталды

Қарағанды облысының Теміртау қаласында адам өртегенін мойындаған ер адам ұсталды, деп хабарлайды ҚазАқпарат облыстық ІІД баспасөз қызметіне сілтеме жасап.

«Облыстық ІІД басшылығының жіті қадағалауымен полиция қызметкерлері күдіктіні ұстауға барлық шараларды қолданды. Жедел-іздестіру іс-шаралары барысында полиция қызметкерлері 25 жастағы қала тұрғынын ұстады. Ол зардап шегушімен кикілжің кезінде оны жарақаттап, кейін қылмысын жасыру үшін денесін өртеп жіберген», — делінген хабарламада. Еске салайық, 20 мамырда Теміртау қаласында өртеніп кеткен ер адам мәйіті табылды, осы іске қатысты ҚР ҚК 99-бабы 1-бөлігі «Адам өлтіру» бойынша сотқа дейінгі тергеу басталған болатын. Қазіргі күдікті уақытша ұстау оқшаулағышына қамалды. Сәйкес сараптамалар тағайындалды. Тергеу жүріп жатыр.

ҚазАқпарат