Қайрат Нұртас сұхбат беру үшін қанша сұрайды?

Орындаған барлық әні хитке айналатын Қайрат Нұртастың «сұхбаты ақылы ма немесе әншінің гонорары қанша?» деген сұрақтар көпшілікті қызықтырмай қоймайды. Ел көкейінде жүрген сұрақтарға әншінің өзі жауап берді, деп хабарлайды NUR.KZ.

Әнші сұхбатына ешқандай гонорар сұрамайтынын айтты. Бірақ уақыты тығыз болғандықтан, көбінде сұхбаттасуға мүмкіндік туа бермейді екен.

«Шынымды айтсам, соңғы кездері «гонорар» жайлы ақпаратты көп естіп кеттім. Бірақ, менің немесе анамның, болмаса жанымдағы көмекшілердің аузынан мұндай сөз шықты дегенге сенбеймін.
Иә, көп кезде сұхбаттарға бармаймын. Себебі, менің уақытым тығыз. Үнемі жолда, гастрольдік сапарларда жүремін», — дейді Қайрат Нұртас.