Қайрат Ахметов титулдық жекпе-жекте жеңіліп қалды

Аралас жекпе-жектен қазақстандық спортшы Қайрат Ахметов ONE Championship чемпионатында жеңіл салмақта «уақытша» чемпион атағына талас кезінде филиппиндік Джех Уэстакиодан жеңіліп қалды, деп хабарлады Vesti.kz.

Олардың жекпе-жегі 26 қаңтарда өтіп, Филиппин астанасы Маниладағы ONE: Global Superheroes турнирінің басты оқиғасы болды. Спортшылар бес минуттан бес раунд өткізді, нәтижесінде Уэстакио жеңіп шықты. Айта кетейік, Ахметов пен Уэстакио 2016 жылы кездескен болатын, ол кезде қазақстандық спортшы жеңіске жеткен. 30 жастағы Ахметовтің қоржынында 31 жеңіс пен екі жеңіліс бар. 28 жастағы Уэстакио оныншы жеңісіне қол жеткізді және ол жеті рет жеңіліс тапқан. Ахметов бұған дейін ONE Championship чемпионатының белдігіне ие болған, бірақ бразилиялық Адриан Мораештен 2017 жылы тамызда жеңіліп қалды.