Қ.Қасымов: Қылмыскер қашқан түрме талапқа сай емес

ҚР Ішкі істер министрі Қалмұханбет Қасымов Астанада изолятордан қашқан қылмыскерге қатысты пікір білдірді, деп хабарлайды ҚазАқпарат.

«Ол жауапкершілікке тартылады. Кешкі 21:50 шамасында ұсталды. Жексенбі күні сағат 12:05 шамасында қашып кеткен болатын. Ұсталды, қылмыстық іс қозғалды. Қашқаны үшін жауапқа тартылады. Сонымен бірге, қызметкерлердің немқұрайлық танытқаны үшін қылмыстық іс қозғалды. Бәрі анықталу үстінде», — деді ол Үкімет отырысынан кейін БАҚ өкілдерінің сауалуына жауабында.

Министрдің айтуынша, қылмыскер қашқан тергеу изолятор нормаларға сәйкес келмейді.

«Сондықтан, бізге жаңа ғимарат салу керек, бірақ немқұрайлылық жағы тағы бар», — дейді ол.», — деді Қалмұханбет Қасымов.

Еске сала кетсек, Осыдан екі күн бұрын Астанадағы тергеу изоляторынан қашып кеткен қылмыскер кеше қолға түскен болатын.