Кенжеғали Сағадиев: Министрліктің жұмысына көңілім толады

Өткен аптада Білім және ғылым министрі Ерлан Сағадиевтің басы дауға қалды. Бірнеше реформасы халыққа ұнамаған министрдің ҰБТ-ға Баян Есентаева мен Нұртас Адамбай туралы сұрақтарды қосуы ел арасында әлі талқылануда.

Осы орайда, Abai.kz порталы Ерлан Сағадиевтің әкесі, танымал ғалым, академик Кенжеғали Сағадиевтің пікірін сұраған болатын. Алайда, әкесі ұлының қызметіндегі дауға пікір білдіруден бас тартты.

«Айналайын балам, мен әке болған соң, менің пікірім обьективті болмай қалуы мүмкін. Менен де басқа пікір алатын адамдар бар ғой. Ал Мәмбет Қойгелді, Айгүл Ісмақоваларға келсек — олардың әрқайсысы өз пікірлерін айтуға құқылы. Айтсын. БжҒМ-дағы атқарылып жатқан жұмыстарға көңілім толады»,-деп шорт кесіп, телефон тұтқасын қоя салды әке Сағадиев.

Еске сала кетейік, Ерлан Сағадиев ҰБТ-ға Баян Есентаева туралы сұрақтың енгенінен еш әбестік көрмейтінін айтқан болатын.