Келін күтіп жүрміз: Сәкен Майғазиев жаңа үйін көрсетті (Видео)

17 қазан, 12:22

“Музарт” тобының әншісі Сәкен Майғазиев екі қабатты жер үйін көрсетіп, қоныс тойын жасады.

Қонаққа барған Абай Бегейдің әйелі өнер иесінің үйін видеоға түсіріп, толық көрсетіп шықты.

“Күшті адамдардың үйіне қонаққа келе жатырмыз. Дәл тапқан адамға сыйлығым бар. Ауласының өзі орман сияқты. Таудың етегінде орналасқан. Неше түрлі шыршадан бастап, талдар егіліпті. Үй иелерінен “Түсіре беруге рұқсат па?” деп мың рет сұрадым. Менің оқырмандарыма да дәл осындай үй жұғысты болсын!”, – деді Фариза Жұманова.

Сондай-ақ Сәкен Майғазиев ұлының бөлмесін көрсетті. Видеода осы үйге енді келін алып келсін деген тілек айтылды.

«Бұл Әділеттің бөлмесі. Әдейі тау жаққа қаратып, үлкен терезе орнаттық. Осы тауға қарап оянсын. Келін күтіп жүрміз”, – деді әнші.