«Келмей жатып қарайып кетті». Ерке Есмахан сатқан әшекейді сатып алғандар өкініп қалды (Видео)

20 қантар 2025, 12:38

Сурет: instagram.com/erke_esmahan

Әнші Ерке Есмахан “Менің энергиям қосылған» деп әшекей бұйым жасап, саудаға шығарған болатын.

Біреулер сол әшекейді сатып алғанына өкініп жатқан көрінеді. Еркенің энергиясы бар сотуар 50 мың теңге тұрады. Қазір «Тик-Токта» оның қарайып кеткенін көрсететін бейнежазба тарады.

«Келмей жатып, қарайып кеткен сотуар. 50 мың теңгеге алтын алу керек еді. Ақшамды қалай қайтарып алуыма болады? Қызғылт алтын екенін түсініп тұрмын. Бірақ мына бұйым қап-қара болып кеткен. Сатушыға жазсам, жауап жоқ”, – деп жазды бір желі қолданушы.

Көпшілік оған былай деп үн қосуда: “Кім не сатса, соны алып отырсыңдар”, “2-3 мың теңге тұратын титан қараймайды”, “Еркенің қай жері ырым?!”, “Бәрі енді кеш. Ерке сотуардың ақшасына саяхаттап кетті”, “Таза алтын емес екенін білдіңдер”, “Ұзын алтында 50 мың теңгеге беретін әнші ақымақ емес”, “Мен де сатып алып едім, қарайып кетті”, “Ақшамызды қалай қайтарып алсақ болады?!”.

Ал Ерке мен Райым қазір балаларымен Швейцария ны аралап жүр.