«Каспий» футбол клубында миллиондаған қаражат жымқырылған

Маңғыстау облысының прокуратурасы «Каспий» футбол клубында оқу-жаттығу жиындарына бөлінген 27 млн теңгеден астам қаражат жымқырылғанын анықтады.
Облыстың сыбайлас жемқорлыққа қарсы қызметі ҰҚКД-мен бірлесіп осы фактіні тергеу барысында, клубтың бұрынғы басшысы өзінің 2 танысымен бірге, күш қолдану арқылы клубтың қызметкерін айғақтарды өзгертуге мәжбүрлегені белгілі болды.
Сонымен қатар одан 15 млн теңге қорқытып алуға әрекеттенген.
3 желтоқсанда футбол клубының экс-басшысын, «К» және «О» азаматтарын қамауға алуға санкция берілді.

JQ-Aqparat