Ішіп рөлге отырған жемқорлыққа қарсы бюроның қызметкері жұмыстан қуылды

Астанада жемқорлықпен күрес жөніндегі ұлттық бюроның қызметкері мас күйінде көлік жүргізіп, полицияның қолына түсті. Тәртіп сақшыларына өзін солай таныстырған. Жуырда ғана сол жемқорлықпен күрес агенттігі куәлігін көлбеңдететіндермен күресетінін жариялаған болатын. Бұл туралы КТК телеарнасы хабарлады.

-Данный человек совершил правонарушение в нетрезвом состоянии. Представляется сотрудником антикоррупционной службы

Енді өз қызметкерлері сол қақпанға түсіп отқанға ұқсайды. Полиция қызметкерлері оның жүргізуші куәлігін тартып алып, медициналық сараптама орталығына алып кетті. Елордалық ішкі істер департаменті қолға түскен тәртіп бұзушының кім екенін және қай мекемеде жұмыс істейтінін сол күйі жариялаған жоқ. Бірақ, оған қатысты әкімшілік іс қозғалып, қазіргі уақытта Астана қаласының мамандандырылған ауданаралық әкімшілік сотына жолданыпты. Медициналық тексеру нәтижесінде, жүргізушінің орта деңгейлі мас екені анықталған.