Интернетте балаға кибербуллинг жасағандардың үстінен шағым беру ережесі бекітілді

Ғаламторда балаларға қарсы жасалатын кибербуллинг туралы арыз-шағымды қарастыру ережесі бекітілді, деп хабарлайды jasqazaq.kz. Бұйрыққа мәдениет және ақпарат министрі Аида Балаева қол қойды.

Балаға кибербуллинг жасалғаны туралы шағымды ата-анасы немесе заңды өкілі уәкілетті органның атына жазбаша немесе электрондық цифрлық қолтаңбаның (ЭЦҚ) көмегімен электрондық құжат түрінде қалдыра алады.
Сараптама тобы өтінішті үш жұмыс күні ішінде қарайды. Өтінішті дұрыс қарау үшін маңызды ақпаратты талап етуге байланысты 15 күнге дейін ұзартылуы мүмкін.

Балаға қатысты кибербуллинг расталған жағдайда уәкілетті орган сараптама тобының шешімі негізінде бұқаралық ақпарат құралдарынан немесе онлайн-платформалардан ақпаратты жою жөнінде нұсқама жібереді.
Мәдениет және ақпарат министрінің аталған бұйрығы 28 қаңтар күні күшіне енеді.

JQ-Aqparat

Фото: shutterstock.com