ІІМ: Қазақстан азаматтығын алу үшін жеке компанияға жүгінудің қажеті жоқ

Интернетте ішкі істер органдарында бірқатар көші-қон қызметтерін алу, оның ішінде азаматтыққа қабылдау, құжаттарды жинау және ресімдеу қызметтерін көрсететін компаниялардың жарнамалары жариялануда.

Polisia.kz хабарлағандай, бұл фирмалар азаматтықты да, жеке басын куәландыратын құжаттарды да бермейді. Ішкі істер министрлігі осы саладағы интернет арқылы алаяқтықтың ықтимал жағдайлары туралы ескертеді.
Қазақстан азаматтығын алу үшін өтініш білдірушілер ішкі істер органдарына жеке өзі жүгінуге тиіс. Құжаттады сенімхат бойынша немесе үшінші тұлғалар арқылы беруге тыйым салынады.

JQ-Aqparat
Сурет: polisia.kz