Гүлзира Айдарбекова «Қайрат туралы ғана айта бересіз» дейтіндерге жауап берді

Танымал продюсер Гүлзира Айдарбекова әлеуметтік желіге ұлдарының кішкентай кезіндегі суреттерін жариялады. Ол оқырманының «Қайрат туралы ғана айта береді» деген пікіріне жауап берді.

«Қайрат туралы айтсам бүкіл жерге тарап кетеді. Содан кейін басқа ұлдарыңыз жайлы неге айтпайсыз деп жатады. Сұраққа қарай жауап беріп жатамын, бірақ ол әңгімелер көп таралмайды ғой. Барлық бала ана үшін бірдей болады. Бірақ қанша бақытты көрінгенімен, жүрегінде тынышы жоқ, қайсысының уайымы басымырақ. Амалсызсың. Заңғар еш уайымдатпайды. Туғанынан сондай болды. Керісінше, бізге ақыл айтқыш. Ешкімнен көмек те сұрамайды. Жағдайын өзі жәймеңдеп реттеп жүреді», — деп жазды ол.

«Заңғар бірінші сыныптан ақша жинағыш еді, үлкендері содан қарыз алып жүретін. Сәл жетпей қалса әлі күнге дейін содан сұрау әдет бәріне»,-дейді продюсер.

JQ-Aqparat