Геннадий Шиповских: Интернет сапасы нашар болса, компаниялар айыппұл төлесін

04 мамыр 2023, 13:05

Сенат депутаты Геннадий Шиповских еліміздегі сапасыз интернет мәселесі туралы айтты. «Стримге шыққанымда интернет сапасы нашарлап кетеді. Болашақта киберспортты дамытамыз деп отырмыз. Бізде мықты IT, креативті индустрияны дамытатын мамандар бар. Алайда интернетіміздің сапасы өте төмен болса, IT саланы қалай дамытамыз?! Тіпті мысалы, кешке қарай кино көргің келгенде өте нашар жүктеледі, — деді сенатор.

Шиповских интернетті дамытуға арналған бағдарламалар не себепті нәтижесін бермей отырғанын айтты. «Мәселені шешер кезде 2023 жылға дейін дейміз, ол жақындағанда 2025 жыл дейміз, кейін 2027 дейміз… Осылай кете береді. Ол туралы Мәжілісте де көтерген едім. Министрлер сынның астында да қалған. Бұл жерде радикалды түрде шешім қабылдау қажет. Мысалы, интернет тартқан кезде сапасы төмен болса, онда ол компанияларға қомақты айыппұл салу қажет. Себебі интернетке айына 6 000 -7 000 теңге төлейміз. Бірақ кешке қарай интернет сапасы нашарлап кетеді, — дейді Геннадий Шиповских Сенаттың кулуарында.

Депутаттың айтуынша, интернет мәселесі ауыл аймақтарда да өткір. Осы орайда ол сапасыз қызмет көрсеткен компанияларға айыппұл салудан басқа жол жоқ екенін жеткізді. «Егер сондай шараларды қолданбасақ, мәселе ушығып кетуі мүмкін. Оны қолдану үшін заңға да жүгінудің қажеті жоқ. Себебі жауапты министрлік бар. Ол өзінің қаулылары аясында да қабылдай алады, яғни операторлардың жұмысына халық қанағаттанбаса, оған ешқандай кедергі жоқ. Өкімімен арнайы шешім шығара алады. Ал егер Парламентте заңды қабылдау қажеттілігі туындап жатса, әрине, оны қабылдауға дайынбыз. Тұтынушының көңілінен шықпаса, онда сол компания тиісті айыппұлын төлеуі керек», — дейді Г.Шиповских.

JQ-Aqparat

24 мамыр, 14:41
Түркістан: Келес ауданында тұрмыстық зорлық-зомбылықтың алдын алу жұмыстары жүріп жатыр
23 мамыр, 15:27
Түркістандағы тәртіп сақшылары қауіпсіздікті қамтамасыз етіп, заңды да түсіндіреді
23 мамыр, 15:01
Түркістан: Бала қауіпсіздігін қамтамасыз ету – басты міндет
23 мамыр, 13:55
Түркістан: Ордабасы ауданында профилактикалық шаралар күшейтілді
23 мамыр, 12:35
Теріс пиғылды діни ағымды тек идеологиямен жеңу керек
23 мамыр, 10:55
Түркістан: Кентауда профилактикалық шаралар жалғасуда
22 мамыр, 15:44
Түркістан: Арыс ауданында «Жасөспірім және жауапкершілік» іс- шарасы өтуде
22 мамыр, 15:29
Түркістан: Полиция 180 қылмыстың ізін суытпай ашты
22 мамыр, 12:02
Түркістан: Шардара ауданында «БОРЫШКЕР» жедел профилактикалық іс-шарасы өтуде