Ерке Есмахан Юсуф Чиммен бірге ән шырқайтын болды

Алматыдағы «Жыл таңдауы» байқауын жүргізуге түріктің әйгілі актері әрі әншісі, «Құлпынай иісі» сериалындағы Бурак рөлімен танылған Юсуф Чим келді. Қазақ қыздарының жүрегінен орын алған актер сүйіктісі Демет Өздемирмен айырылысып кеткенін жеткізді деп хабарлайды NUR.KZ.

«Біз бір жарым жыл бірге болдық. Бірақ қазір басым бос. «Құлпынай иісі» сериалында басты рөлді бірге сомдаған Демит Өздемирмен арада ешқандай байланысым жоқ», — деді.

Еске сала кетейік, жылдың ең үлкен музыкалық кеші — «Жыл таңдауы» байқауы бүгін «Алматы Арена» кешенінде өтеді. 70-ке жуық әнші қатысатын кешті алты жүргізуші жүргізеді деп күтілуде.

Олардың бірі — Ерке Есмахан мен Юсуф Чим.

Сондай-ақ, Юсуф Чим қазақ эстарадасының жұлдызы Ерке Есмаханмен бірге дуэт орындайтынын жеткізіп, сүйінші сұрады.