Ер адам бүкіл денесін қара түсті татировка жасатқан

Ұлыбританияда татуировкаға тәуелді ер адам бүкіл денесін қара түсті татировкамен бояп тастады. Тіпті ол көз алмасы мен ауыз қуысына да татуировка жасатқан.
Stan.kz. хабарлағандай, Англияда татуировка шебері Эли Инк 10 жыл бойы денесіне татуировка жасап келген.
«Мендегі өзгерісті түсіне алатын жалғыз адам – өзім. Мен, тіпті, мұның мағынасын түсіндіруге де тырыспаймын», – дейді 27 жастағы ер адам.
Элидің сөзінше, ол бала күнінен суретші Пабло Пикассоның туындыларынан шабыт алған екен. Сондықтан ол суретшінің туындыларындағы абстрактілі кейіпкерлерге ұқсағысы келетінін де жасырмады.
Ер адам көз алмасына жасалатын татуировканың қауіптілігін білгенін мойындады. Мұндай татуировка жасалғанда аздаған қателік жіберілсе, клиент соқыр болып қалуы мүмкін.
Сонымен қатар Эли сырт келбеті үшін қымсынбайтынын айтты. Ал сүйіктісі Холли оның татуировкаға деген махаббатын қолдайтын көрінеді.