Елімізде алдағы үш тәулікте күн суық болады

10 ақпан 2016, 16:27

Қазақстанда 11-13 ақпан аралығында күн суық болады, — деп хабарлайды Tengrinews.kz тілшісі «Қазгидромет» кәсіпорнына сілтеме жасап.

«Таймыр аудандарынан солтүстік ағындармен келіп түсетін суық ауа Қазақстанда күннің сууына әкеп соқты. Ауа температурасы қазір осы кезеңге сәйкес нормаға жақын. Алдағы үш тәулікте антициклонмен байланысты нағыз қысқы ауа райы республиканың көптеген облысында сақталады», — деді синоптиктер.

Мамандардың айтуынша, антициклонның бұзылуына және Шығыс Сібірге жылжу шамасына қарай аяз әлсірей бастайды, температура біртіндеп көтеріліп, оңтүстікте және батыста күндіз жылымық болады.

Tengrinews.kz