Париж Олимпиадасының чемпионы Елдос Сметов Қарағандыда өткен жиындардың бірінде анасы туралы айтты.
Azattyq-ruhy жазғандай, Олимпиада чемпионы өз сөзінде анасын құрметтеу мәселесін ерекше қозғап өтті.
«Қазаққа мәлім деген ер-азаматтардың артында әйелдер тұрады. Батыры болсын, ғалымы болсын солай. Анасының дұғасының арқасында жетістікке жетеді. Кім не десін, о десін, анам үшін соңына дейін баратын адаммын. Әйелдердің сөзін сөйлейтіндердің қатарынанмын. Қанша жерден әлемді мойындатып, дзюдодан тұңғыш Олимпиада чемпион болсам да, анамнан асып кете алмаймын. Анамды құрметтегеннен жаман болған кезім жоқ», – дейді спортшы.
JQ-Aqparat