Екі облыста жолдар жабылды

Қазақстанның екі бірдей облысында көктайғақ пен ауа райы салдарынан жолдар жабылды. Бұл туралы «Казахавтодор» ЖШС ақпарат таратты.

Батыс Қазақстан облысында 20 наурыз сағат 03:00-ден бастап республикалық «Орал-Атырау» (Атырау облысының шекарасы – Чапаево ауылы, 129-311 км) трассасы барлық транспорт түрі үшін жабылды.

20 наурыз сағат 04:55-тен бастап Ақтөбе облысындағы руспубликалық: «Самара-Шымкент» (Қарабұтақ және Белогорка ауылдарының арасы, 773-965 км), «Самара-Шымкент» (БҚО шекарасы – Ақтөбе, 723-526 км), «Ақтөбе-Орск» (РФ шекарасы, Шәмші Қалдаяқов ауылы, 39-135 км), «Ақтөбе-Оренбург» (РФ шекарасы, Хлебодаровка ауылы, 24-99 км), «Ақтөбе-Астрахань» (Ақтөбе-Қандыағаш, 11-92 км), «Солтүстік айналым» (Ақтөбе айналмалы жолы, 0-39 км) жолдары жүк және жолаушылар тасымалдау үшін жабық.

Baq.kz