Алматы қаласының полицейлері «допинг пайдаланушыларды» құрықтады. Әуезов ауданына қарайтын Достық ықшам ауданында 21 жастағы тұрғынды тінту кезінде 17 байлам орам тәркіленді. Бұдан бөлек 23 жастағы тағы бір тұрғынды құрықтап тексергенде 10 байлам синтетикалық зат табылған. Екеуінің де тасымалдап жүргені психотроптық есірткі болып шықты.
«Тексеру барысында полиэтилен қаптамаға оралған синтетикалық есірткі заттары тәркіленді. Осы эпизодтар бойынша ҚР ҚК-нің 296-бабы 4-бөлігі және ҚР ҚК-нің 297-бабы 3-бөлігімен қылмыстық істер тіркелді. Күдіктілерге қатысты қамауға алу түріндегі бұлтартпау шарасы таңдалды», – деді Әуезов аудандық полиция басқармасының бастығы Ұлан Әбілқайыр.
Қылмыстық істің басқа да мән-жайлары ҚР ҚПК-нің 201-бабы және ҚР Конституциясының нормаларына сәйкес жария етуге жатпайды.
JQ-Aqparat