«Егемен Қазақстан» газетіне – 105 жыл!

Бүгін, 17 желтоқсанда, қазақ баспасөзінің қарашаңырағы, еліміздің бас газеті — «Егемен Қазақстанға» 105 жыл толды.

1919 жылы «Ұшқын» атауымен алғашқы нөмірі жарық көрген бұл басылым уақыт өте келе қазақ журналистикасының символына айналды.
Әр жылдары газеттің атауы өзгеріп отырды.
• 1921-1932 жж. – «Еңбекші Қазақ»
• 1932 жылдан бастап – «Социалды Қазақстан»
* 1937 жылдан бастап — «Социалистік Қазақстан»
• 1993 жылдан бастап – «Егемен Қазақстан».

105 жылдық тарихында газет әрдайым ұлттық мәселелерді көтеріп, қоғамдық сананы қалыптастыруға үлкен үлес қосты. Басылымда Сәкен Сейфуллин, Мұхтар Әуезов, Бейімбет Майлин, Шерхан Мұртаза, Әбіш Кекілбаев, Сауытбек Абдрахманов, Мамадияр Жақып, Жанболат Аупбаев және басқа да қазақтың қарымды қаламгерлері қызмет етті.

Бүгінде «Егемен Қазақстан» еліміздің барлық өңірлерінде таралады және жаңа технологиялар мен заман талабына сай ақпарат таратуда белсенді жұмыс істеп келеді.

Бір ғасырдан астам оқырманға рухани азық сыйлаған басылымды мерейтойымен құттықтаймыз!

Jas Qazaq
Сурет: мәдениет және ақпарат министрлігінің баспасөз қызметі